Lehenengo urratsak
Helmuga kudeatzeko langileentzat
Aktibatu Araba: PID ingurunean sartzeko atea
Aktibatu Araba ataria ingurune lokal bat da, eta, haren bitartez, bai teknikariak, bai enpresak Helmugen Plataforma Adimendunera (PID) konekta daitezke. PIDera zuzenean konektatzeko aukera emateaz gain, ataria gune digital bat ere bada, plataformari buruzko informazio guztia eta haren soluzio digitalak toki berean biltzen eta bateratzen dituena.
Helburua da erraz eskuratu ahal izatea material, informazio, baliabide eta bideo guztiak, sistemaren funtzionamendua ulertzea, eta hura erabiltzeko prestatzea.
Soluzio digital guztiak atari honetan azalduta aurkituko dituzu. Aktibatu Araba proiektuaren parte dira, eta azpiegitura adimendun horren bitartez beste lurralde batzuekin konektatzen den sare batean integratuta daude. Hari esker, lurraldeek bizkor eta modu egituratuan kudeatu, argitaratu eta partekatu ahal izango dituzte datu turistikoak.
Helmugen Plataforma Adimenduna (PID) integratzen duen soluzio digital bakoitzak helburu bat du. Hori dela eta, atariaren hurrengo atalean, haietako bakoitza zehaztuta aurkituko duzu, bai eta azalpen bat, eskuliburuak, prestakuntza-pilulak eta haien helburua eta funtzionamendua ulertzeko informazio garrantzitsu guztia ere.
Nola funtzionatzen du PIDak?
Aktibatu Araba atariaren bitartez sartu ahal izango zara laster Kontrol-panelean. Haren bitartez, helmuga kudeatzeaz arduratzen diren langile eta taldeak gaitutako soluzio digital espezializatuen (moduluen) multzoan sartu ahal izango dira.
Soluzio/Modulu bakoitzak funtzio bat du, baina guztiek datu berak partekatzen dituzte eta modu koordinatuan lan egiten du. Horrek esan nahi du modulu batean txertatzen duzun informazioak automatikoki elikatzen dituela gainerakoak: ez da lana bikoizten, ezta errepikatzen ere. Gero, zerbitzu horiek atzitzen eta kontsumitzen dituzten bisitariek ere sistema berrelikatzen duten datuak sortuko dituzte, eta helmugaren kudeaketa eta esperientzia turistikoa etengabe hobetzeko aukera emango dute.
Plataformak sistema bakarrean integratzen ditu datuak, enpresak eta lurraldea. Horrela, helmugari buruzko informazio errealean oinarritutako erabakiak har daitezke. Ondorioz, kudeaketa efizienteagoa izango da, eta sustapena eraginkorragoa, eta helmuga prestatuagoa egongo da merkatu turistikoko aldaketen aurrean.
Lehenengo urratsak
Udal-teknikaria bazara, edo kuadrillaren kudeaketan edo Arabako helmuga turistiko baten zuzendaritzan bazaude, Kontrol-panela erabili behar duzu PIDean sartzeko modulu edo ate gisa.
Haren bitartez, hauek egin ahal izango dituzu:
- Eduki turistikoak kudeatu: ostatu, baliabide, jarduera eta zerbitzuei buruzko informazioa sortu, eguneratu eta argitaratu. Datu horiek automatikoki banatzen dira nazioko eta nazioarteko kanal digitaletara
- Bisitarien portaera aztertu: era honetako datuak bildu: zure helmuga nork bisitatzen duen, noiz, zer nahi duten, eta nola mugitzen diren lurraldean barrena
- Zure datuen errendimendua neurtu: argitaratzen duzun informazioaren ikusgaitasuna, edukien kalitatea eta sistemako beste agenteek nola erabiltzen duten monitorizatu
- Erabaki estrategikoak hartu: datu errealetan oinarrituak, eta ez intuizioan. Joerak identifikatu, aldaketei aurrea hartu, eta zure helmugaren online ospean eragina izan
Gaituta egotean, orri honen goiko menuaren bitartez sartu ahal izango zara Kontrol-panelean, edo jarraian dagoen estekaren bitartez, eta zuzenean sartuko zara PID kudeaketa-eremuan.
Soluzio digitalen katalogoa
Infografian ikusten den bezala, Plataforma Adimendunak 20 modulu elkarreragingarri baino gehiagoko ekosistema bat du. Modulu horien helburua da helmugen kudeaketa, sustapena, merkaturatzea eta adimen turistikoa hobetzea. Hasiera batean, helmugak 12 modulu estrategiko hauek ditu; haiei esker, eduki turistikoak kudeatu ahal izango dira, bisitarien portaera aztertu, adierazleak monitorizatu, esperientzia konektatuak sustatu, eta datuetan oinarrituta erabaki hobeak hartu. Hori guztia turismoa koordinatuagoa, ikusgaiagoa, adimendunagoa eta lehiakorragoa izatera bideratutako DTI eredu baten barruan.
Helmuga kudeatzeko langileentzako moduluak:
DTIko Kontrol-panela
Izeneko modulua PID zerbitzuak eta funtzionalitateak zentralizatzen ditu, edukiak planifikatzeko, komunikatzeko eta moderatzeko, eta kudeaketa estrategikoa eta adimen lehiakorra hobetzeko.
Edukiak kudeatzeko sistema (CMS) semantikoa
Herritarrek helmugari buruz duten pertzepzioaren analisia
Herritarrek turismoari buruz duten pertzepzioa aztertzen du, inkestak, sare sozialak eta kanpo-iturriak integratuz erabaki estrategikoak berresteko.
DTIko errendimenduaren aginte-panela
Helmugaren errendimendua monitorizatzeko aukera ematen du adierazle, txosten eta irudikatze interaktiboen bitartez, erabaki estrategikoak berresteko.
DTIko autodiagnostikoaren aplikazioa
Helmuga baten heldutasuna ebaluatzen du, DTI ereduari jarraikiz, eta, horrela, eremu giltzarrietan diagnostikoa eta planifikazioa egin daitezke, eta etengabeko hobekuntza bultzatu.
Helmugaren SITa
Adimen turistikoko sistema estandarizatu bat garatzen du, helmugaren datuak modu erreplikagarrian biltzeko, integratzeko eta prozesatzeko.
Interakzioa eta fidelizazioa kudeatzeko adimena
Bisitarien interakzioak aztertzen ditu, segmentatzeko, zerbitzuak pertsonalizatzeko, fidelizazioa sustatzeko eta bidaia osoan erlazioa optimizatzeko.
Zerbitzu publiko turistikoen online erreserba
Zerbitzu turistiko publikoen erreserbak kudeatzen ditu, eta, horrela, helmugaren sustapen-kanalen bitartez salmentak bilatu, erreserbatu, ordaindu edo birbidera daitezke.
Lokalizazioen adimena izeneko modulua
Datu geoespazialak bildu eta aztertzen ditu, analisi turistikoa eta aginte-panelak bermatzen dituzten mapak, geruzak eta adierazleak sortzeko.
Helmugako inkesta
Bisitarien eta herritarren gogobetetasuna ezagutzeko inkestak sortzeko, kudeatzeko eta monitorizatzeko aukera ematen du, txostenak sortuz eta prozesuak automatizatuz.
Online ospea
Online kanalak monitorizatzen ditu, helmugari buruzko iritziak, interakzioak eta balorazioak aztertzeko, eta adierazleak eta txostenak sortzen ditu.
Datuen ustiapena, aurreikuspena eta simulazioa
Datu turistikoak integratzen eta ustiatzen ditu, aginte-panelen eta interfaze konfiguragarrien bidez eszenatokiak aztertu, aurreikusi eta simulatzeko.
Turismo-enpresek erabiltzeko moduluak
Modulu horien bidez, enpresek modu ordenatuagoan kudea dezakete beren eskaintza, datuak eguneratuta eduki ditzakete, eta esperientzia turistiko jasangarriak sortzen parte har dezakete, gaur egun turistek eta bidaiariek espero dutenarekin bat eginez:
Profesionalaren ataria
Turismo-enpresen kudeaketa zentralizatzen du, eta, horretarako, zerbitzuen administrazioa, sustapenak, esperientziak eta helmugarekiko lankidetza errazten ditu.
Turismo-enpresen partaidetzarako sareko aplikazioa
Enpresen eta helmugaren arteko interakzioa errazten du, eduki, sustapen, jakinarazpen eta kudeaketa turistikorako sarbide mugikorraren bidez.
ETEen heldutasun digitalaren indizea
Turismo-enpresen digitalizazio-maila ebaluatzen du, eta hobekuntzak proposatzen ditu haien eraldaketa digitala bultzatzeko.
Helmugako datuen aginte-panela enpresentzat
Turismo-enpresei informazio eguneratuan oinarritutako erabakiak hartzen laguntzeko adierazleak eta funtsezko datuak eskaintzen ditu.
Bisitarientzako eta turistentzako moduluak
Modulu horiek, turisten eta helmugaren arteko interakzioa hobetzeaz gain, haien esperientziaren pertsonalizazioa optimizatzen dute, eta, hala, egonaldian zehar konexio sakonagoa eta esanguratsuagoa izatea bermatzen dute:
Helmugaren ataria
Turistak eta helmuga konektatzen dituen plataforma digital pertsonalizatua, bisitari bakoitzari egokitutako eduki, gomendio eta esperientzien bidez.
Landing page
Sustapen-kanpaina bisualak eta segmentatuak sortzeko aukera ematen du, helmugaren bihurketa eta ikusgaitasun turistikoa areagotzeko.
Bidaia-laguntzaile adimenduna
Adimen artifizialean oinarritutako laguntzaile birtuala, gomendio pertsonalizatuak eta laguntza turistikoa denbora errealean eskaintzen dituena.
Turistentzako aplikazioa
Bisitariari bidaian laguntzen dion mugikorretarako aplikazioa, helmugaren informazio, gomendio eta zerbitzu pertsonalizatuekin.
Ibilbide eta paseoen planifikatzailea
Ibilbide pertsonalizatuak sortzeko eta interesetara, kokapenera eta denbora erabilgarrira egokitutako ibilbideak aurkitzeko aukera ematen duen tresna.